Mariam Nazar

  هلو , أجيت من جديد, اليوم السادس اليوم بديت برواية الغابة النرويجية, للكاتب الياباني هاروكي موراكامي. بقالي 30 صفحة تقريبًا وأكمل هدف اليوم, متحمسة كلش للأحداث وبنفس الوقت أخاف يحمسني الحر والقهر, الرواية نفسية سردية عن واحد ديتذكر أيام شبابه, مجاي أتخيل انو ورا 20 سنة حتذكر شجنت أسوي قبل 20 سنة. سالفة تضحك وحلوة المهم, فرحانة كلش بالجاي أسويه, أحس جاي ينسيني كلشي حولي, وأنغمس بالاحداث مالرواية, وصار الجذب للقراءة مضاعف, يعني منا الاحداث تشك شك وممتعة ومنا سالفة المنافسة تخليلي واهس اقرا اكثر و اكثر. التجربة هاي كلش حلوة. طبعا, اليوم مالتي شوي هوسة بس شي حلو انو ابدي انظمة. اكعد من وكت  ب7 تقريبا, اخذ محاضرات لل1, ادرس اسباني و الماني, والعصر ادرس او اقرا او اسمع اغاني, وبالليل العب شطرنج و اقرا وانام. طبعا مو بمثالية واجرجر مرات بس عادي, حتعود على النظام ويصير الموضوع اسهل بمرور الوقت. ما تعرفت على احد, ومن مالحكت املي استمارة اليوم الاول ضجت وكلت راحت علي, بس من مرتضى سال علي رجع واهسي كلش, وهسه حرجع للمدونة. المهم, فرحانة وكلش ايجابية لهاي التجربة. واتمنى الكل يستفاد ويفر...

  مريم هنا!   هلو , بتحدي ال29 يوم رح أقرأ كتب يوميًا بمعدل أدنى 75 صفحة, ومعدل أعلى 100 صفحة رح تتنوع بين روايات و كتب تاريخ و شعر , لمختلف الكتاب من حول العالم ( وصراحة معندي كاتب عربي مفضل عدا نجيب محفوظ) أحب أقرا هواي, هلشي يقوي لغتي العربية والقواعد, جاي اتعلم اسباني  و الماني عمود مستقبلا هم اقرا روايات بلغتها الام الاصلية, و (الله كريم اذا لحكت اتعلم روسي هم )  الهدف حيكون قراءة  2175 الى 2900 صفحة في 29 يوم بمعدل 75 الى 100 صفحة يوميًا, اقسمها بين فترات استراحتي على مدار اليوم, اي 25 صفحة وي الريوك, 25 صفحة الظهر, و الباقي بالليل قبل لا أنام. هلشي  يفيد بتقوية مهاراتي اللغوية, توسيع الخيال, استغلال الوقت. طبعا جنت قارئة لمدة 3 سنوات , بس مو يوميًا, هسه ححاول اخلي القراءة عادة يومية عندي. واعتقد قراءة 13 الى 20 كتاب او رواية قصيرة بمدة 29 يوم حيكون شي كلش ممتع. وقبل لا انهي, اغلبية الكتب ورقية من دور نشر محلية, اما اختيار الكتب فهو شخصي وحسب ذوق الفرد, وانا كلش احب الروايات للكتاب الروس و الاسبانيين واليونانيين.