Day 6

 هلو, أجيت من جديد, اليوم السادس

اليوم بديت برواية الغابة النرويجية, للكاتب الياباني هاروكي موراكامي.

بقالي 30 صفحة تقريبًا وأكمل هدف اليوم, متحمسة كلش للأحداث وبنفس الوقت أخاف يحمسني الحر والقهر, الرواية نفسية سردية عن واحد ديتذكر أيام شبابه, مجاي أتخيل انو ورا 20 سنة حتذكر شجنت أسوي قبل 20 سنة. سالفة تضحك وحلوة

المهم, فرحانة كلش بالجاي أسويه, أحس جاي ينسيني كلشي حولي, وأنغمس بالاحداث مالرواية, وصار الجذب للقراءة مضاعف, يعني منا الاحداث تشك شك وممتعة ومنا سالفة المنافسة تخليلي واهس اقرا اكثر و اكثر. التجربة هاي كلش حلوة.

طبعا, اليوم مالتي شوي هوسة بس شي حلو انو ابدي انظمة. اكعد من وكت  ب7 تقريبا, اخذ محاضرات لل1, ادرس اسباني و الماني,

والعصر ادرس او اقرا او اسمع اغاني, وبالليل العب شطرنج و اقرا وانام. طبعا مو بمثالية واجرجر مرات بس عادي, حتعود على النظام ويصير الموضوع اسهل بمرور الوقت.

ما تعرفت على احد, ومن مالحكت املي استمارة اليوم الاول ضجت وكلت راحت علي, بس من مرتضى سال علي رجع واهسي كلش, وهسه حرجع للمدونة. المهم, فرحانة وكلش ايجابية لهاي التجربة. واتمنى الكل يستفاد ويفرح مثلي. 

وخلاروح اقرا, اريد اعرف ليش انتحر صديق البطل

وطفت الكهرباء خرب حفتح شمعة, احس الاجواء رومانسية و لطيفة ومناسبة للقراءة بشكل عجيب