Mariam Nazar

هلو ، خلصت الغابة النرويجية امس، كعدت ابجي هواي ، حالة البطل تقهر كلش جانت. بس المهم، النهاية حلوة بكل الاحوال.  اليوم بديت فالس الوداع للكاتب ميلان كونديرا، هذا ثالث كتاب اقراه لهذا الكاتب، اتذكر قريت رواية الجهل و رواية حفلة التفاهة الة قبل هواي. شي حلو ارجع اقرا لكاتب اعرفة. ما اعرف بس مشاعري متضاربة وجاي اضحك، البطل هنا يخاف من النساء كلش، وهم متزوج وهم خان زوجتة، اكو مقطع يسولف بيه عن حبه الها:"كانت بالنسبة له أقرب إنسان بين الكائنات الإنسانية"، هو صدك، اذا الواحد يحب هلكد ليش يخون؟ المهم خلاكمل قراية، نومتي شوي متخربطة و ما اعرف شجاي يصير، القراءة ملجئ.  اي، مجموع القريتة حيوصل 1000 صفحة اليوم او باجر، اتوقع اكدر اوصل 2000 بال13 يوم الجاية هم، التحدي ذكرني شكد جنت احب اقرا.  ا   

  هلو♡ وصلت صفحة 321، ضايعة انا ضايعة، فلسفة الرواية غريبة، تعاملها وي الموت مخيف و دقة الكاتب بالسرد تخبل. كلما يذكر اسم اغنية اروح ابحث عنها، وبعدين طلع اسم الرواية على اسم اغنية للبيتلز. المهم حلوة وتحسسني الجو شتا وجاي تمطر. تحمست أزور اليابان. وصف الجبال والطبيعة خبلني. بكل الأحوال، جاي اعاني شوي من ناحية القراءة، مثلا اول امس قريت هيج 40 صفحة بس، اليوم الوراه قريت 75 ضبط، واليوم قريت اكثر من 100 صفحة واشك رح اكمل الرواية اليوم. ما بقى بيها بس فقرة وحدة. المهم، الي يطي هالة غامضة وحلوة للبطل هو انو هو يدرس مسرح، ما تمر جم صفحة بدون ميحجي عن الالهة اليونانية وسالفة "انزال الاله بالآلة"، المفهوم حلو؛ يحجي انو شلون الناس ضايعين بحياتهم ويصلون لطريق مسدود بعدين يظهر إله يحل كل مشاكلهم. وها، شي حلو ثاني، انو اكو رسائل هواي بين ناوكو (البطلة) و واتانابي (البطل)، احب هذا الفن الأدبي، هلشي حيخليني اكتب رسائل أفضل و أحلا. المهم متحمسة ابدي بكتاب جديد باجر:) خلاروح أتعشى، يارب متطفى الكهرباء